დემოკრატიის ბანაკი 2015 - ქალაქები ყვარელში, იუსტიციის სასწვალო ცენტრში გაიმართება
დემოკრატიის ბანაკი წელს ყვარელში, ილიას გორაზე აგებულ იუსტიციის სასწვალო კომპლექსში გაიმართება. იგი თბილისიდან ორი საათის სავალზე მდებარეობს და მოიცავს ყველა იმ კომპონენტს, რაც ბანაკის პროგრამით გაწერილი აქტივობების განხორციელებისთვის არის საჭირო.
საკონფერენციო ოთახი სრული აღჭურვილობით 60 ადამიანზე არის გათვლილი. აქვე არის რამდენიმე მცირე ოთახი ჯგუფური სამუშაოსთვის.
ყვარლის სასწავლო ცენტრი არა მარტო ტრენინგისა და სამუშაო შეხვედრებისთვის გათვლილი სივრცეა, არამედ არაჩვეულებრივ შესაძლებლობას გვთავაზობს დასვენებისა და გართობისათვის ღონისძიების დღის წესრიგისგან თავისუფალ დროს.
ტრადიციული შეჯიბრება ნაოსნობაში ქალაქებს შორის წელს ილიას ტბაზე გაიმართება. გამარჯვებული გუნდი სხვადსხვა სიურპრიზს დაიმსახურებს.
დემოკრატიის ბანაკის დახურვის ცერემონია კლასიკური მუსიკის ფონზე გაიმართება. წელს პირველად, დემოკრატიის ბანაკში 2015 წლის დემოკრატიის ჩემპიონს გამოვავლენთ.
